مباراة الأهلى وطلائع الجيش وتعليقات كوميدية سياسية على الفيسبوك

بعد إنتهاء مباراة الأهلى وطلائع الجيش والتى قدم فيها النادى الأهلى عرضا كبيرا ولم يقدم فيها فريق طلائع الجيش أى مستوى يذرك وظهر الفريق تائها وكأنه يريد الهزيمة إنطلقت كالعادة التعليقات الكوميدية على أحداث ونتيجة المباراة ونحن نعرض هنا تلك التعليقات التى ظهرت على الفيسبوك وذلك بغرض الكوميديا فقط

- لو الأهلي كسب النهاردة.. حسن حمدي هو اللي هايدير شئون البلاد؟

- تاني جون للأهلي في الجيش.. أنا كنت متأكد أن ماحدش هايجيب حق الشهداء غير جدو!

- حاسس إن بعد الجونين دول أحمد فتحي وجدو هيتحاكموا.. لا للمحاكمات العسكرية للرياضيين!

- التليفزيون المصري: انتهاء الشوط الأول 2- صفر لطلائع الجيش!

- التليفزيون المصري: محاولات لبناء جدار عازل أمام مرمى طلائع الجيش!

- التليفزيون المصري يطالب المواطنين الشرفاء بالنزول وحماية الجيش من الأهلي!

- تامر من الإستاد: فيه أجندات أجنبية بتتكلم برتغالي لانجويتش في الملعب!

- المواطنين الشرفاء في المدرجات: حرام عليكم لما طلائع الجيش يخرج، مين اللي هايمسك اتحاد الكورة؟.. هاتخربوا الملاعب، وكورة الإنتاج هاتفرقع!

- أنا عرفت الأهلي ليه بيعمل كدة في الجيش.. دا أكيد من "أهلي الشهداء"!

- إيه اللي عامله الأهلي في الطلائع دا؟.. هما مش عارفين إن الجيش هو اللي حمى الدوري؟!

- بيان طلائع الجيش بعد المباراة: طرف ثالث هو اللي أحرز الأهداف.. وإحنا اللي حمينا الحكم.. ومش هو دا شباب الأهلي الطاهر اللي اتعادلنا معاه قبل كده!