موضوع: تسمم معتصمى التحرير بين تويتر والفيسبوك الخميس ديسمبر 15, 2011 8:28 am
ماحدث بالأمس من تسمم من معتصمى مجلس الوزراء بوجبة حواوشى أثار الشكوك حول أن عملية التسمم هذه مدبرة وذلك لفض الإعتصام حيث قام أحد الأشخاص المجهولين بتقديم وجبة حواوش أمس للمعتصمين تحية لهم على إعتصامهم وقال لهم أنه معهم ويؤيد إعتصامهم وهو بهذه الوجبة يقدم تحية بسيطة لهم وبعد أن أكل معتصمى مجلس الوزراء الوجبة أصيب 80 فرد منهم بتسمم فكانت ردود الفعل العنيفة والكوميدية كالعادة على تويتر والفيسبوك وجاء بعضها كالتالى
- حتى الحواوشى سممتوه.. مش كفاية الغاز اللى شممتوهونا.
- منكم لله خربتوا البلد ووقفتوا عجلة الحووشى.
- غاز حواوشى.. المجلس لازم يمشي.
- كبدة أو حواوشى.. العسكر لازم يمشي.
- إزاى حواوشى من شخص مجهول - يعنى واحد هييجى يوزع 100 ساندوتش ومش هيقول هو مين ولا فى اسم مطعم ولا حاجة؟
- احنا اسفين يا حواوشى.
- منصور العيسوي: مافيش حاجة اسمها حواوشي وماعرفش يعني ايه حواوشي اصلا.
- ادي اللي خدناه من حملة اشتري المنتج المصري.
- لأمر لن يحتمل الكوميديا والسخرية.. الحواوشى طلع مسموم بجد .. كل اللى ليه حد معتصم امام مجلس الوزراء يطمن عليه. _____
